Info drive on federalism pakusgan, palapdan sa Caraga

Ni Angel Fuertes-Gaviola

 

Gilaraw karon sa Department of Interior and Local Government (DILG-Caraga) nga mas pakusgan pa ang ilang adbokasiya pag-asdang sa Federalismo ngadto na sa tanan munisipalidad ug kabarangayan sa rehiyon.

Ingon ni Donald Seronay, Officer-in-Charge assistant director sa DILG-Caraga, target nilang ipaabot sa tanan kabangarangayan sa rehiyon sulod ning tuiga ang serye sa ilang oryentasyon ug seminar kalambigitan sa tinguhang utrohon ang pormas panggoberno sa nasud ngadto na sa Federal.

Niining paagiha , matod ni Seronay , mas masayran sa katawhan kung unsa gayud ang pamalakad nga pagahimuon sa usa ka federal form of government lakip na ang maayong tingoha ug kaayohan nga ilang masinatian oras nga kini mapatuman.

“Mas intense gani siguro ang atong kampanya ani kay nagsugod ta ani by province ug region so by 2017 basin didto na sab ta sa by municipality orientation then by barangay na dayon, unya karong moabot nga March naa man tay barangay assembly so basin apil nga mahisgotan,” saysay ni Seronay.

Segun ni Seronay, nga sa matag gipahigayon nilang seminars ug orientation , gipasabot sa ahensya ang mga aspeto sa pagpadagan local nga panggamhanan ubos sa federalismo sa natad kinita-an, resources ug uban pa.

“Ang idea lang nato ana wala pa tay exact nga model gyud sa pagpasabot sa ilaha ang ato lang ginahatag nga idea is ang mga fundamentals lang about sa federalism kay there are lots of models man gud, pero the idea behind sa federalism is kana lang giving more resources to the local government. Probably mas pabor gyud ni siya sa LGU mas matagaan sila og opportunity nga mo-manage og additional resources nga mahatag sa LGU,” dugang sa opisyal.

Sukwahi matod pa sa nagtunhay nga pamalakad sa panggoberno, sa Federalismo halos tanan kita sa usa ka lokal nga panggamhanan mahibalik ug magamit sa katawhan sanglit 20 porsento lamang ang mahimong kuhaon nga bahin sa nasudnong panggamhanan, ingon ni Seronay.

“Kay sa existing nato nga practice karon 80/20, 20 percent lang maadto sa LGU ang 80 percent will be retained sa national government . Pero sa federal nga government balihon nato 20 ang ma-retain sa national ug ang 80 to the local government. Pero lagi as to the model wala pa kung pila ni ka states, pila ka region wala pa na siya,” ingon ni Seronay.

“Ang timeline aning nia is kung ma-approve na ni sa plebiscite by 2019 siguro naay transition ani 2019 to 2022 so by 2022 probably will elect a new president under a federal form of government. Ang importante ang pagpasabot ani sa ila nga ang federalism will be a good thing sa Pilipinas para mo-improve pa ang atong system of government,”dugang sa opisyal.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP