Infestation sparks fear of ‘cocolisap’ outbreak in Caraga

Ni Angel Fuertes-Gaviola

 

Walay angay kahadlokan ang mga Caraganon mag-uuma’s lubi nga magka-cocolisap outbreak sa entiro rehiyon luyo sa padayon infestation sa maong peste sa kalubihang bahin sa may Bayugan, Agusan del Sur.

Kini kay ang pag-atake sa maong peste sa nasangpit lugar kontrolado o na-contain na ug nahatagan na og hinanaling aksyon sa goberno, sumala ni Philippine Coconut Authority Caraga manager Engr. Ramon Barbosa.

“Dili kahadlokan, manageable siya dali siya ipakgang. Kini atong gikagubtan, gikahadlokan nga coconut scale insect nga gitawag og cocolisap naa naa sa Bayugan sa may Magkiangkang sa bukid sa Bayugan City,” saysay ni Barbosa.

Ingon ni Barbosa, nga sahi sa cocolisap nga midagsa sa Calabarzon ug Basilan areas nga nakadistroso gayod ug hilabihang nakapaekto sa kalubihan didto , lahi ang klase sa peste sa rehiyon.

“Dili na pareha sa Calabarzon ug sa Basilan, gitawag na nato og endemic kana nga cocolisap naa mismo sa lugar nabuhi tungod kay naa sa environment niya. So duna tay 300 kapin ka mga punoan nga apektuhan pero manageable siya makontrol, basta sundon lang nato ang mga pamaagi nga atong gihatag sa PCA,” dugang pahayag sa opisyal.

Subay niini, sulti ni Barbosa, padayon nilang gimonitor ang sitwasyon sa Bayugan , sabay awhag sa mga mag-uuma sa lubi nga relihiyosong sundon ang gitudlong nilang pamaagi aron dili na mukayanap ug maka-atraka pa ang maong peste.

“Karon naghimo ta og mga leaf pruning atong gi-spray og ordinary lang nga sabon dunay oil unya duna pud tay gihimo nga pagpangsunog sa mga dahon para at least dili siya mokaylap . Pero ang pinaka protocol nato nga atong kuhaan ang mga dahon sa lubi, ato siyang i-gather unya sprihan nato katong sabon ug oil,” dugang ni Barbosa.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP