Illegal recruiters ‘minggara’, Caraganon biktima mabasol

By Angel F. Gaviola

Gi-abisohan sa POEA ang “aspiring OFWs” sutaon ang listahan accredited recruitment agencies sa Caraga aron iwas biktima illegal recruitment. Skeptica

Aminado ang Philippine Overseas Employment Administration sa Caraga naglisod ang buhatan tuldokan sa hingpit ug pakgangon ang nagapanghitabong illegal recruitment sa rehiyon.

Kini, tungod sa kawalay kooperasyon ug kadasig sa mga nabiktma’s moreklamo ug mopasang-at kaso taliwala sa agresibong kampanaya sa goberno, sumala ni POEA Caraga regional coordinator Meriam Balmocena.

“Naay illegal practices but then the problem is nobody complains. Anha raman na nimo masakpan sila kung naa nay magfile og complaint,” saysay ni Balmocena .

“Ang sad thing lang is once nga naay ma-apprehended pag dili mo-cooperate ang complainant dili gyud makuan ang kaso,” dugang sa opisyal.

Ingon ni Balmocena, tungod sa maong kahuyang sa nabiktima, mogawas nga daw migara samot ang mga illegal recruiter naglatagaw sa 5 ka probinsya sa rehiyon.

Migawas usab sa ilang pagsukit-sukit , butyag pa ni Balmocena, nga kasagaran pa gani nabiktima’s mga recruiter nga trabaho ang pagsuroy-suroy sa nagkalain-laing bahin sa rehiyon ug mangdani aplikante makonsiderang “willing victims”.

Nasayran, anaa lamang 31 recruitment agencies ang nag-operate sa Caraga nga lisensyado ug dunay accreditation sa POEA.

Sa pikas bahin, giwarningan ni Balmocena ang “aspiring OFWs” dili gayod magpa-ilad ug likayan ang pag-apply pina-agis kuyanap nga online hiring kay kini usa matud pa ka scam .

“There is no such thing as online hiring. Ayaw mo ana, beware of recruitment through online kay all recruitment should pass POEA, there is no such thing as direct hire niya kontakon na ang worker diretso nga moingon patrabahuon ka, papadalhon dayon ka og kwarta ,” abiso ni Balmocena.

“That is scam kay all forms of recruitment tulo man, direct hire, gov’t to gov’t hiring and agency hiring, kana siya nga tulo process gyud na og POEA all the documents gi-evaluate sa POEA.”

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP