‘Hakot’ registrants sa Butuan dili bawal-Comelec

By Angel F. Gaviola

Sa nagpadayon voter’s registration, dol-an 10,000 ka bag-ong Butuanon botante ang nadugang sa 192,000 existing registered voters sa dakbayan. Contributed photo

Wala gibawal sa Commission on Elections ang na-andan “hakot system” sa mga lokal politiko panahon dunay voter’s registration, sumala ni Butuan election supervisor Atty. Samuel Rollo.

Ingon ni Rollo, makonsidera pa ganing “good gesture” sa usa ka politiko mihimo sa ingon hilabina kadtong tinud-anay ug sinserong nadasig tabangan ang ilang mga constituents marehistro sa Comelec aron makapartisipar sa eleksyon.

“Depende lugar sa purpose noh, kung kaning mga, although it’s a matter mana of proving nga gihakot kay iyang tawo, pero kung ako it’s a good gesture sa isa ka tao nga motabang sa isa ka tao para marehistro,” saysay ni Rollo.

Gani, kon sumahon , dugang ni Rollo , dako og tabang ang paghakot og mga registrants subay na sa tingoha sa Comelec ma-enlist ang new voters ug ma-reactivate ang delisted o deactivated ones sa Butuan.

“So, kami magpasalamat gani mi mismo kay ang among tumong gyud ani is maximize registration gyud,” dugang ni Rollo.

Ang hugot gibawal sa Omnibus Election Code, segun ni Rollo, mao ang panghulga ug pag-pwersa sa politiko sa botante nga pilion nag partukular nga kandidato.

“Ayaw gyud pugsa kung kinsa ang ilang botaran, tagai sila og freedom kung kinsa ilang gusto botaran. Hatag-hatag ka og serbisyo para gyud pugson nimo sila nga ikaw botaran dili na maayo, diha mosulod ang violation,” sulti sa opisyal.

“The act of paghatag og free service para ma-gain ang imong boto, that’s prohibited under election code kay vote buying man gihapon na siya. Although, depende gyud na siya sa atong intention ug sa intention sa botante ug sa tao nga naghatag og free service.”

Sa pinakaulahing datos natala sa Comelec-Butuan, anaa sa 192,000 ang exsiting registered voters sa dakbayan, samtang dol-an 10,000 ang nadugang bag-ong botante subay sa nagpadayon voter’s registration.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP