Hagit ug Pahinumdum sa Rizal Day

Kasikas ug Bul-og

Ni Blas Indong

Ang pipilang tawong ning-tambong sa Rizal Day Celebration sa Guingona Park niaging semana ning-comment sa  kaanindot sa speeches mahitungud sa kinabuhi ug pagka-tawo ni Jose Rizal nga gihatag ni Mr. Roldan Torralba, grandmaster sa Freemasonry ug ni Butuan Rep. Lawrence “Law” Fortun.

Ingon sa naka-paminaw, maka-bulohan, inspiring ug challenging ang mga gipa-ambit sa duha ka respetadong leaders.

Apan ang dakong pangutana, asa man ang katawhan sa Butuan? Nganong gamay ug pipila lang intawon ang nanambong? Mao ra diay ‘tung katawhan sa Butuan?

Asa man ang mga istudyante sa Agusan High, Urios, SJIT, Timber City, CSU, Butuan Doctors ug uban pa?

Bisan gani mga magtutudlo, tanang empleyado sa gobyerno, tindera-tindero, drivers, mag-uuma, mangigisda, mga negosyante, pari-madre, barangay officials, lumads, igsoong Muslims, police-traffic enforcers, ofws,t aga-media, ug uban pa.

Pero wala, mura’g pinili ra.

Klarong murag nahulog ra sa pugos nga obligasyon ug walay paghatag sa dakong bili alang ug para sa tanang sektor sa syudad.

Mao siguro ing-ini ang kinatibuk-ang Pilipinas karon. Walay klarong padulgnan kay walay pakialam ug ignorante sa kagahapon.

Kaanindot ra ba ang hagit ni Congressman Law nga angay hingutlogan sa tanang Butuanon ug makadasig ang mensahe ni Sir Torralba.

Untana ang mga mabulukong gipa-ambit sa duha masabwag sa kinatibuk-an pinaagi sa radio ug tv pero unta ang kumpleto, dili lang sound bites.

Kay mao ni kinahanglan sa madlang pepol karon, dili lang balikbalik nga kalingawan nga gibahog sa mga dagkong tv networks.

Ingon bitaw sa usa ka respetadong manunulat ug philosopher, “dili tanan gusto sa masa ihatag,kung dili unsa ang ilang gikinahanglan.”

Pero unsaon man, ang masa karon hangol naman sa kalingawan, dili sa kinaadman.

Dili man ni damgo ni tatay Rizal sa katawhang Pilipino Mao bitawng angay ni madunggan sa tanan.

Kay giingon ra ba, dunay sakit nga collective amnesia ang Pinoy masa.

Salamat Sir Torralba ug public servant Fortun sa bulawanong hagit ug pahinumdum.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP