Go ahead, kasohi mi sa Ombudsman, Joboy tells Councilor Amora

Ni Angel Fuertes-Gaviola

Sa gihimong pagsuspende kaniya, nangante si Association of Barangay Captains-Butuan Pres. Nestor Amora nga paulanan niya og kaso ang tanan konsehal sa Butuan ubos sa bando Team RCL. Skeptica

“Sige iya manang katungod, file lang siya.”

Mao kini ang tubag ni Butuan Vice Mayor Jose “Joboy” Aquino sa bahad ni Association of Barangay Captains (ABC-Butuan) President ug City Councilor Nestor Amora nga paulanan siya ug mga kaalyadong konsehal og patong-patong nga kaso sa Office of the Ombudsman alayon sa gihimong pagsuspende kaniya.

Sumala ni Aquino, wala silay gilabag nga balaod ug walay illegal sa pag-aprobar nila sa resolusyon nagrekomendang e-suspende isip kapitan sa Barangay Banza si Amora, nga maoy nag-inusarang tinggog sa opposition sa 12-member Sangguniang Panglungsod.

“Ako gasunod lang ako kung unsay kuan sa konseho, rekomendasyon sa komitiba, dunay nagreklamo nga mga kagawad. Under section 61, RA 7160 which is the Local Government Code, naa sa SP ang pagsuspende, ang rekomendasyon sa pagsuspende sa usa ka local elected official part of that is the barangay official,” depensa ni Aquino.

Apan kon andam ang kanhi-Butuan congressman atubangon ang pagahimoon legal aksyon ni Amora kanila, wala niini hatagi og bili ang hagit sa ingon paluwaton o paresignon siya sa posisyon.

“Binata mana. Dili ko mopatol ana kay dili angay istoryahan. Wala nakoy mahimo ana,” sulti ni Aquino .

Kahinumduman , gipahamtungan sa city council og 2-month preventive suspension ang iladong saligando ni former Butuan Mayor Ferdinand Amante, Jr. tungod sa reklamong gipasang-at sa iyang mga konsehales, nag-ugat sa alegasyon pagmaniubra’s mga proyekto sa Barangay Banza.

Ingon ni Amora, usa ka “political persecution” o pagpanglutos sa mga supporters sa kanhi administrasyon ang gihimo kaniya sa administration-dominated Sangguniang Paglungsod.

Tungod niini, nangante si Amora dili niya palabyon ug moresbak gayod siya aron balosan ang gihimo kaniya sa gitawag niyang mga “arogante” ug “abusadong ” kaubanan ubos sa bando ni Butuan Mayor Ronnievic “RCL” Lagnada kon Team RCL.

“Kining pag-evict nila sa ako-a sa SP, they cannot do that, that is beyond the rule of law so definitely I will be filing a case against them at Ombudsman ,” sulti ni Amora.

“Dili man pwede nga dinhi ko sa city , sa Regional Trial Court, I will let them answer at the Office of the Ombudsman. Tanan and also the vice mayor also , that is a criminal case,” dugang ni Amora.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP