Fund lack hampers disaster preparedness drive of Caraga LGUs

By Angel F. Gaviola

Luyo sa tinguhang “zero casualty” panahon dunay moigo nga kalamidad, nagpabilin dakong hagit matag LGU sa rehiyon ang kakulangon sa pondo pampalit og disaster gadgets and equipments. Contributed photo

Aminado ang taas nga opisyal sa Department of Interior and local Government-Caraga nga nabalda o apektado ang kaandam ug pagtugon kalamidad sa habig nagkadaiyang panggamhanang lokal sa rehiyon tungod sa kakulangon sa pondo.

“We have to understand nga ang resources sa atong government is not enough much to the desire of LGUs nga maka-provide gyud og enough nga mga pre-disaster activities. Pero, dili gyud mo-warrant most of the time ang resources sa government,” sulti ni DILG-Caraga assistance director Donald Seronay.

Ingon ni Seronay, dili gayod igo ug makonsiderang taphaw lamang ang gitun-an pre-disaster trainings and capacity buildings ginahimo’s first responders ug rescue teams matag local disaster councils tungod sa kawalay saktong heman ug ekipos sa matag LGU nga sarang ikatimbang panahon sa actual nga kalamidad sama sa baha, bagyo o kaha linog.

“In fact, kaning mga rivertowns kinahanglan gyud ni sila og rubber boats especially during flooding pero pila raman pud makaya nila. Kung mahimo lang gani tagsa ka rubber boat matag barangay , pero dili ka kaya ang atong government,” saysay ni Seronay.

Dugang pa sa opisyal, gi-studyohan na sa national government ang mga lakang ug posibleng matabang aron ma-abagan ang mga naglisod LGUs sa rehiyon makabaton og tukmang disaster gadgets and equipments.

“Much to our desire nga dapat e-capacitate tana ni sila pero correspondingly man gud duna pud mga panginahanglanon aning sa equipment pud para maka-andam pud atong barangays. Kung i-capacitate ning usa ka barangay dapat naa pud equipment kay mag-unsa manang capacity building kung walay equipment. So, mao ni atong challenges nga atong gina-atubang and I hope ato ning ma-adress,” sulti ni Seronay.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP