Foreigners sa Caraga ‘gitagalan’ sa Immigration hangtud March 3

By Angel F. Gaviola

Obligado ang tanan foreign nationals nanimuyo sa nasud moreport sa BI subay sa panuntunan nakalatid ubos sa Alien Registration Act. Skeptica

Nag-abiso karon ang Bureau of Immigration sa mga foreigner nga nagtener sulod sa rehiyon Caraga personal mobisita sa buhatan alang sa tinuig nga reporting.

Sumala ni Cesar Arnel Valdez, acting officer sa Alien Registration Division sa BI-Caraga, kutob nalang Marso 3 ning tuiga ang gitagal sa buhatan aron moreport ang mga langyaw ug bayaran ang annual report fee nga nakalatid sa Alien Registration Act.

Ubos sa maong balaod, required ang tanan registered foreign nationals nga mo report sa BI ug bayaran ang annual report fee nga P300 ug legal research fee P10 sulod sa unang 60 dias matag tuig .

Ingon ni Valdez, dunay katumbas nga multa oras pakyas ang langyaw maka-comply sa maong panuntunan sanglit walay lugway gihatag ang balaod para sa maong obligation.

“Katong maka-annual report from Jan.3 to March 3 so wala silay mga penalties, the moment nga naay mo-report beyond March 3 we will be imposing penalties,” saysay ni Valdez.

Sa pinakaulahing datos sa BI, anaa sa 226 foreign nationals nga nagpuyo sa Caraga ang dunay permanent visa samtang 741 ka langyaw, kasagaran American, Bristish, Chinese ug Australian ang tourist visa holders.

“Wala tay mga blacklisted dinhe, sa system na nato makita kung naay blacklist kay every time magfile sila og extension we are issuing certification that a certain person is not included in the blacklist, watchlist and derogatory record from the bureau that’s why pwede sila anytime mag-extend,”sulti ni Valdez.

  • 6
  •  
  •  
  •  
    6
    Shares
  •  
    6
    Shares
  • 6
  •  
  •  

Leave a Reply

Your email address will not be published. Required fields are marked *


TOP