Skip to content

Exam sa high school scholarship program gikalipay IPs sa AgNor

Gilauman pipila na usab ka batan-ong Mamanwa ang madugang sa gatosan nang benepesaryo sa talagsaon nga programa pang-edukasyon gipa-ambit sa kompanyang SR Metals. JD

Dili matungkad ang kalipay nga gibati sa mga miyembro sa Indigenous People sa gipahigayong eksaminasyon sa SR Metals sa Tribong Mamanwa sa Barangay Curva, Santiago, Agusan del Norte niadtong nakalabay’ng adlaw’ng Bernes ug Sabado, Mayo 12-13, 2017.

Matod pa ni Juanito Curob, leader sa maong tribu, talagsaon nga programa nga gipaambit sa kompanyang SR Metals bisan pa man sa lungsod sa Tubay lang kini nagpahigayon sa mining operation.

Kahinumduman, nga tuig 2006 nagsugod ang kompanya sa pagmina ug sumala pa sa mga residente aduna kini positibong nahimo nga kabag-ohan sa maong lungsod sa natad sa ekonomiya.

Sumala usab sa datus sa SRMI, aduna nay sa kasamtangan nga 654 ka mga high school scholars ug 45 ka mga college scholars nga padayong gibayaran ang ilang pagtungha.

“Kini nga programa nakita nato kini nga sustainable o malahutayon tungod kay makapanag-iya man ug mga diploma ang mga iskolar nga mamahimong gamiton nilang instrumento aron mahaw-as sa kalisod,” pamahayag ni Jacquelou Modar, ang asst. ComRel Manager sa SRMI

Gilauman usab nga pipila sa mga IP ang mamahimong iskolar ubos sa Social Development and Management Program (SDMP) sa SRMI human sa gipahigayong eksaminasyon. Ni JD

Leave a Reply

Your email address will not be published. Required fields are marked *