DSWD-Caraga: Paghaon og ‘processed foods’ sa feeding program wala gibawal

Ni Angel Fuertes-Gaviola

 

Wala matod pa gitugotan sa Department of Social Welfare and Development (DSWD) ang paghaon og pagkaon sama sa processed foods ngadtos day care centers sa rehiyon panahon sa ilang supplementary feeding program.

Segun ni Genelyn Marturillas, focal person sa Supplementary Feeding Program (SFP) sa DWSD-Caraga, nga base sa guidelines sa programa, sustansiyadong “hot meals” lamang ang gitugot ipakaon sa kabataan estudyantes mga day care centers sa rehiyon.

“Hot meals gyud na siya rice and viand, dili na siya gina-allow ang mga hotdog kana ra gyud viand like tinola nga isda or manok. Kanang kung unsa makit-an sa ilang lokalidad kay indigenous food man ang nakabutang sa atong guidelines mao na siya atong pagalutoon,” asoy ni Marturillas.

Ang SFP usa ka programa sa nasundong goberno nagtumong makunhoran ang malnutrition ug ma-improbar ang attendance ug pagtuon sa mga bata sa pre-elementary.

Ubos sa SFP, pangunahan sa mga social workers nga nadestino sa mga day care centers sa rehiyon ang pagpakaon sa kabataan matag adlaw sulod sa upat ka bulan.

Apan sumala ni Marturillas, wala gayud hugot nga gidili ang pagpakaon og processed foods sama sa hotdog ug spaghetti aron “ma-edukar” lang ang kabataan ilabi na kadtong anaa nanimuyo sa kabukiran sa maong klase sa pagkaon.

“Kanang mga hotdog og spaghetti naga-allow ta ana kay naa man tay gina-consider nga food fatigue , pero not all the time,” saysay ni Marturillas.

“Siguro kung naa tay mga Christmas party part na lang pod na sa pag-educate sa mga kabataan ilabina didto sa kabukiran nga mao ni ang spaghetti kay ang uban dili man kaila unsay itsura ana unless imoha siyang i-introduce mao na siya ang kasabotan ana. Pero ang ato gyud guidelines ana is hot meals gyud ta. So kanang mga curls, junk foods dili gyud na advisable.”

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP