DPWH-Caraga missed infra completion target in 2016

Ni Angel Fuertes-Gaviola

Pakyas ang Deparment of Public Works and Highways (DPWH-Caraga) nga makab-ot ang gitakdang completion target sa gipatumang infrastructure projects sa tibook Caraga alang sa tuig 2016.

Segun ni Concepcion Calo, tigpamaba sa (DPWH-Caraga), wala makab-ot ug anaa lamang sa 65.13 percent ang completion rate sa mosoma total 424 infrastructure projects sa rehiyon diin adunay kinatibuk an kantidad P16,180,911, 800 bilyones .

“Ang DPWH every regional office has been given a target accomplishment of only 80%. As of Dec. 31, since ang atong regional office actual accomplishment is 65.13 percent na, fall-short mi,” asoy ni Calo.

Ingon ni Calo, ang kapakyas nilang makab-ot ang maong completion target tungod matud pa sa kakulian “dili kontrolado” sa ahensya, sama nalang sa daot nga panahon, problema sa road right of way ug uban pa.

“Kay naa man pud mga circumstances nga beyond the control of the implementing office that is why there is somewhat delay in the implementation of projects,” sulti ni Calo.

“Specially in the last quarter we always experience the bad weather condition duting the 4th quarter of the year and naa pa tay mga problema sa road right of way, then problems on utilities, electric post and water utilities nga nakaapekto pud sa pag-implement sa atong mga proyekto.”

Sa 424 active projects gi-implementar sa 9 ka district engineering offices sa rehiyon, sumala pa ni Calo, 289 lang niini ang nakumpleto , 132 ang nagpadayon pa gihapon , samtang lain 3 ang wala pa gayod nasugdan nga gilangkoban sa Mancaroro Concrete Bridge , Cabadbaran-Putting Bato-Sito Lusong road network sa Agusan del Norte ug ang construction sa Magkahunaw Bridge sa San Agustin, Surigao del Sur.

Sa kasamtangan , wala pay nadawat nga impormasyon ang rehiyonal nga buhatan gikan sa mga implementing offices kabahin sa ilang mga lakang sa nadelatar nga proyekto aron kini mapadali, dugang ni Calo.

“ So as of this moment , wala pa tay information coming from our implementing offices as to the measures being implemented in the project site so kung unsay ilang mga gipang measures nga gihimo to fast track the implementation of our projects,” matud sa opisyal.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP