Dili manguli kay walay tubig

Kasikas ug Bul-og

Ni Blas Indong

Ug sa dihang akong gipangutana akong mga amigo ug amiga nga nagpuyo sa ubang lugar kung manguli ba sila sa Butuan karong pasko, ang ilang tubag, mao ni:

“Dili ko kay walay tubig diha.”
“Walay nada mouli kay dili ta kaligo diha.”
“Mag-antos lang ko sa traffic dinhi Manila,dili lang sa walay tubig diha.”
“Daa, unsay ulion diha nga dili ta kaligo!”
” Dili oi! Nganong mag-anto sa man tag-walay tubig!”

Amen na lang gyud ta ini. Bisan akong gi-depensahan nga daghan tubig dinhi, magbaha man gani inig-bundak sa kusog nga ulan.

Samot kalagot ang mga mag-balik Butuan unta karong pasko pero dili na lang lagi kay pungot sila sa Butuan City Air District.

Aw, Water district diay. Hangin man baya ang mogawas sa faucet maong dili na kuno water district. Ingon sa usa ka maestra sa ako.

Akong gi-ingnan sila nga daghan man mineral water baligya ug makapalit sila og usa ka truck kung gusto nila.

Pero ,niingon ang usa dili siya moinom kanunay og mineral water kay maka-cancer man kuno na. Mao pud na sulti sa uban, bisan gani sa usa ka doctor.

Hala, unsaon na man ni? Aw, naa ra nimo kung mutuo ka o dili. Ug sorry sa namaligyaay og mo ha.

Basta ang importante kuno, Merry christmas and a happy full tank of water. Ug kung puwedi pa, full tank hangtud sa pista sa May next year kay manguli na gyud sila.

Ambot lang sa lord.

Naa pud nangutana , ingon alive and kicking na ang Butuan sa bag-ong administration, nganong pa-lagsikon man ang mga tawo aron mosag-ob og tubig sa gawas?

Bato-bato sa langit…. Haay, kinsa’y isog, palihug tubaga….

Maayo pasko! Happy full-tank water!

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP