Skip to content

Database of Caraga’s poor households gikahadlokan magamit sa pamulitika

Ni Angel Fuertes-Gaviola

 

Gidid an una sa Department of Social Welfare and Development (DSWD-Caraga) ang nagkadaiyang mga lokal nga pangagamhanan sa rehiyon, non-government organizations ug national government agencies makabaton sa gitawag updated Listahanan 2 Database gikan sa buhatan.

Unod sa maong Listahanan ang statistical data sa mga kabus nga pamilya sa Caraga nga nakuha sa DSWD-National Household Targeting System for Poverty Reduction (NHTS-PR), diin gikaingon importanteng information aron mapanday ug maplano sa husto ang Social Protection Development Report (SPDR) ug uban pang development programs and projects .

Segun ni Fe Balason, Caraga focal person sa Listahanan, dili pa nila pwede marelease sa publiko ug niadtong buot mangayo sa maong listahan tungod sa nagtunhay data sharing moratorium , pinasikad sa full implementation sa R.A. 10173 kon Data Privacy Act (DPA) of 2012.

“Dili nato mahatag tungod kay in-effect pa ang data sharing moratorium. One of the provisions sa RA 10173 is kanang dapat i-keep confidential gyud nato ang mga data,” pasabot ni Balason.

“Ang listahanan data man gud detalyado kaayo, tanan nga naa sa balay, unsay appliances, so dili gyud pwede nga ihatag basta-basta to protect also kana nga household basin magamit sa bisan unsa,” dugang ni Balason.

Ingon ni Balason, nga samtang dili maisa o ma-lift ang order of moratorim gipagawas sa ilang central office, wala sila’y mahimo kun dili e-hold una ang request sa 21 ka LGUs sa Caraga nga kasamtangan nanghangyo matagaan sa maong listahan.

“Target untana namo karon pero indefinite man ang moratorium, so maghulat pa gyud mi kung kanus-a ma-lift ang moratorium kay dili namo control kung kanus-a i-approve sa National Privacy Commission ang kadtong revised nga MOA ug data sharing guidelines . Pero ang pinaka-target gyud namo before the year ends pero tungod sa ubang proseso dili pa gyud mi maka-ingon kung kanus-a,” saysay ni Balason.

Sa pagbutyag ni Balason, usa sa mga rasones nagtunhay moratorium sa pagpasapubliko sa Listahanan mao ang kahadlok magamit sa politikanhong kalihukan ug personal political interest sa mga politiko ang datos nakuha sa buhatan.

“Sa MOA man gud nakabutang didto nga accountable ang LGU kung naay cases ana nga gamiton sa ingon ana kay naa man nakabutang man sa revised . Although , dili pato siya approve nga final pero sa draft pwede siya makasohan,” asoy ni Balason.

Leave a Reply

Your email address will not be published. Required fields are marked *