Crime surge gibasol Butuan police sa ‘tokhang’ suspension

By Clyde Hikilan

Gikumpirma sa Butuan City Police Office (BCPO) nga dunay kalit nga pagsaka sa crime rate sa entiro dakbayan sukad gihunong ang Oplan Tokhang operations batok illegal drugs.

Segun ni PO2 Julius Avila, tigpamaba sa BCPO, sukad gipasuspende ni Pres. Duterte ang maong kampanya , natala ang 30 porsyento pagsaka sa nagkadaiyang krimen nagapanghitabo sa Butuan .

“Basi sa among managing police operation nga senemanang dunay evaluation, ningsaka gayud ang krimen. Naay 30% nga pagsaka sa krimen kung ikumpara sa mga miaging panahon,” sulti ni Avila.

Ingon ni Avila, nga sa dihang aktibo pa ang kapulisan sa kampanya kontra droga , “ubos” gayod ang mga natalang krimen sa Butuan ug gani, miagi pa ang Butuan
og zero incident sa seven focus crimes.

“Tinoud nga dunay dako nga benepisyo ang dakbayan kadtong apil pa ang kapulisan sa war against illegal drugs, apan kining atong gihisgutan nga pagsaka sa krimen, didto lang ni nagsugod sa pagdeklara ug temporary suspension sa operation against illegal drugs” saysay ni Avila.

Base sa datos sa BCPO, sagad sa mga gapanghitabong krimen sa Butuan adunay kalambigitan sa illegal nga droga kon drug-related offenses.

“I agree, personally, akong namatikdan nga ang usa ka drug addict nga walay ikasustinto sa iyang pagka adik, mohimo gayud ug bisa’g unsang illegal nga buhat aron ika sustinto sa iyang bisyo, dili lang kay ka usa, kaduha o katulo ni nahitabo” dugang ni Avila.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP