Conflict areas in Caraga ‘ginalikayan’ volunteer-doctors amid security fears

By Angel F. Gaviola

Llacuna

Agi’g pagsiguro dili mabutang sa peligro ang kinabuhi ug kaluwasan sa mga nadestinong volunteer-doctors ubos sa Doctor to the Barrios (DTTB) program, ginalikyan sa Department of Health e-deploy ang ingon sa mga conflict-affected areas sa Caraga.

Segun ni Caraga health director Dr. Jose Llacuna Jr., isip security measure, dili na e-deploy sa buhatan ngadtos hilit mga lugar nga dunay kanunay’ng kagubot aron dili mapahamak ang kaluwasan ug seguridad sa volunteer-doctors sa rehiyon.

Responsibilidad dili lamang sa DOH apan lakip na usab sa lokal nga panggamhanan, diin nadestino ang mga doktor nga protektahan kini sa bisan unsang klase sa hulga, risgo ug harassment nga relihiyosong nanerbisyo alang sa kaayohan sa bagang hut-ong katawhan, ingon ni Dr. Llacuna.

“Part of the agreement is that they (LGUs) will provide security but there are instances that we have the authority to pull out the DTTB in presence of conflict, dunay presence of threat, dunay mga harassment nga duna silay conflict sa atong mayor or any gov’t official there. We have the right to pull out the DTTB from there to provide security for them,” saysay ni Llacuna.

Sa kasamtangan, dunay 22 volunteer-doctors ang naka-deploy sa nagkadaiyang kalungsoran sa Caraga gikonsiderang Geographically Isolated and Disadvantaged Areas (GIDA) o mga lugar prayoridad sa goberno hatagan og health ug medical services tungod kawalay access sa maong serbisyo.

“Kami ang nag-identify sa mga munisipyo, sama sa mga munisipyo nga walay doctor for the last 2 years or more, difficult to reach areas , kanang GIDAs gi-consider nato na nga maoy hatagan og prayoridad tungod kay ang DOH mosuporta man sa LGUs for delivery of health services,” dugang pahayag ni Llacuna.

Ang Caraga ang usa sa mga rehiyon sa tibuok nasud dunay pinakadaghan nakadeploy’ng DTTBs tungod sa taas nga panginhanglanon ilabinas lagyong lugar, island barangays ug mga lugar nga sagad nakasinati og kalamidad.

“More or less naay kakulangon gamay lang, but we are one of the highest actually in the whole country. This is because dinhe sa Caraga daghan gyud tawon mga GIDAs and then especially sa disaster prone areas so we are given priority ilabi na usab nga daghan island-municipalities, so they need so many volunteer doctors there,” matud ni Llacuna.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP