Caraga tribal leader–Goberno sige lang pa-asa, gipasalig projects ‘way katumanan’

Ni Daisy Saraon

Gipanghimaraot sa usa ka tribal lider sa Caraga ang daw “walay katumanan” mga proyekto gipasalig sa goberno sa mga tribal communities sa rehiyon.

Segun ni Datu Kalambuan Balbino Andaya, sectoral lider sa tribong Talaandig sa Agusan del Sur, pipila na ka administrasyon ang naglabay wala gihapon nakatagamtam ang tribo og kabag-ohan ug kalambuan kay kutob lang matud pa sa paghisgut-hisgut ug taman lamang sa sulat ang mga proyektong gipasalig nagkadaiyang mga ahenysa para kanila.

“Dili unta sa sulat lang ug hangtud lamang sa istorya ug pasalig. Aron makab-ot ang kalinaw sa mga lumad sa ilang yutang kabilin, kinahanglan jud masulbad una ang problema sa kalisod,”asoy ni Andaya.

Nanghinaot si Andaya, nga ubos sa Duterte administration mahatagaan na og seryosong pagtagad ang makalolooy sitwasyon sa tribu nga nagpabiling iwit sa kalambuan ug naglubog sa kapobrehon.

Ingon ni Andaya, hilabihan kadaku ang pagkulang sa goberno sa paghatag solusyon ilang problema sa patubig, kalsada, kakalungon health facilities, eskwelahan ug uban pa.

Una nang gi-angkon ni National Commission On Indigenous People NCIP Caraga director Atty. Jake Dumagan nga kasagaran sa mga batakang problema gisagubang mga pobreng lumad nanimuyo’s kabukiran ning rehiyon pabiling wala na-aksyonan sa goberno.

Gani, mismo ang NCIP “way mahimu” aron kahatagan kasulbaran ang mga concerns o molo gustong pa-aksyonan kanila sa katribuhan, sumala ni Dumagan.

Depensa sa opisyal, dili kaakohan ug mandato sa NCIP ang paghatag og social services ug mga proyektong infrastruktura paras mga tribal communities sa rehiyon.

”Way mahimu ang NCIP kung infrastructure ang hisgutan,sama sa kalsada, tulay, ug mga eskwelahan kay dili man kini ang mandatos sa opisina,” sulti ni Dumagan.

Ug tungod kay kadaghan sa tribo medyo wala daw nakasabot sa purpose o katuyooan goberno pagmugna sa ilang ahensya, pasi-atab pa ni Dumagan, gina-ulan gayod sila’g pagbasol og batikos mga na-agrabyadong lumad.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP