Caraga drug ‘surrenderees’ urged to avail Philhealth’s medical detox package

Ni Angel Fuertes-Gaviola

 

Gidasig sa Philhealth ang liboan drug surenderees sa Caraga nga pahimuslan na ang bag-ong medical detoxification package sa buhatan alang kanila.

Sumala ni Zandro Etic, regional information officer sa Philhealth-Caraga, ang medical detoxification package gidesenyo sa buhatan agi og suporta sa war on drugs sa administrasyon Duterte aron matabangan ang medikasyon sa mga nalulong sa makadaot nga bisyo.

“Kining medical detoxification package dapat ang pasyente moadto gyud sa atong accredited facilities. Sa accreditation pwede ang level 1,2,3 gov’t hospitals plus kadtong mag-open nga mga drug rehab centers kinahanglan moagi lang sila sa atong licensing sa DOH. So naa naa na sila certification or license to operate gikan sa DOH atomatic na nga ang Philhealth mo-acredit sa maong pasilidad,” saysay ni Etic.

Ingon ni Etic, dunay nakagahin P10,000 ubos sa medical detoxification package nga mahimong mapahimuslan sa mga drug surrenderees nga kinanghalan lang legitimong membro o nalista isip qualified dependent sa Philhealth.

“Dapat ang atong membro is Philhealth members naa silay eligibility meaning kung sponsored sila naa silay issuance nga MDR, kung voluntary members dapat updated sila sa ato walay putol. Ang 10,000 nato kato nang mga drugs nga gamiton during the treatment, ang drugs ra gyud na,” sulti ni Etic.

“Ang proof ana mag-una man gyud na didto sa facility, naa mana record ang facility so mismo ang facility mag-vouch nga kini siya drug surrenderee kung magparehab siya, so that’s the time nga maka-avail siya,” dugang saysay ni Etic

Gidugang pa ni Etic, nga kung atol pagpatambal sa benepisyaryo masuta nga duna kini gihambing sakit sama sa TB, pneumonia ug uban pa, kini mahimo sab nga patambalan ug kini, lakip nga pagabayaran usab sa Philhealth.

“Kung naay mga comobidity P10,000 man to nga package pero pananglitan during sa iyang treatment naay nakita niya nga naay sakit like pneumonia, TB ug ubang pang diseases nga kauban sa iyang pagparehab during sa katong medical detox niya, bayaran na sa Philhealth nga separate lahi na sa siya sa package,” asoy ni Etic.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP