Skip to content

Caraga coop execs, members urged: Pagpakabana aron dili mahagba

Ni Daisy Saraon

Bungabong

Gidasig sa Cooperative Development Authority(CDA-Caraga) ang mga tigdumala ug membro sa nagkadaiyang kooperatiba sa rehiyon nga sa kanunay magpakabana ug mosalmot sa mga skill enhancement training ug seminars sa buhatan.

Sa maong pamaagi, segun ni CDA-Caraga legal officer Joy R. Bungabong, dunay dakong kasigurohan mas molambo ang gidumalang kooperatiba ug malayo sa posibleng pagkahagba.

“Kinahanglan jud nga molambo ang mga coop ug dili siya mo down ug kinahanglan nga competitive siya hangtud sa international nga market,” asoy ni Bungabong.

“Pagsugod sa mga kooperatiba kinahanglan nga moagi gyud og free membership education seminar kay mao mani ang edukasyon sa mga tawo kung unsa mani ang koop ,kung unsa ang pama-agi pagtinabanagy diha sa sulod ang gitawag nga Basic Cooperative Course ug good governance and management and financial management,” dugang ni Bungabong.

Alayon niini, nakalatad na ang mga libreng trainings nga itanyag sa buhatan para sa mga kooperatiba para sunod tuig, sumala ni Bungabong.

Nakasentro ang maong mga pagbansay sa mga sumbanan ug buhatonon sa saktong pagdala sa coop members, sa paghusay kun dunay dili pagsinabtanay , financial management , business planning ug, uban pa.

Ang CDA maoy ahensya sa goberno gitahasan mogiya ug motabang sa mga kooperatiba sa nasud.

Leave a Reply

Your email address will not be published. Required fields are marked *