Skip to content

Caraga barangay chiefs lakip ‘narco list’ pwede kaayo magpareelect-Comelec

By Angel F. Gaviola

Walay gahom ang Comelec babagan o i-disqualify ang kandidaturas gi-alegahan narco-politicians pwera nalang kon dunay mando o judgement of conviction gikan sa korte batok sa nasangpit opisyal. Skeptica

Gawasnon gihapon magpapili balik karong umaabot barangay elections bulan sa Oktobre ang mga re-electionists nga kapitanes ug kagawad bisan paman nahilakip kini sa narco list sa kapulisan sa Caraga, sumala ni Commission on Election Chairman Juan Andres Bautista.

Samtang wala pa maconvict ug mapamatud-an sad-an sa hukmanan, ingon ni Bautista, dili mapugngan ang mga gi-alegahan narco-politicians nga modagan sa eleksyon aron makahupot posisyon diha sa rendas panggamhanan.

“Ang sabi ng batas presumption of innocence, so unless you have been convicted then you are disqualified for running . Then , that’s the only time the Comelec will prevent you from running,” sulti ni Bautisata , nga mibisita sa Butuan miaging semana.

“Well depende po kung meron nang kaso, pero kung puro hinala or merong mga kaso nakasampa at hindi pa final, hindi po pwedeng pigilin ng Comelec,” dugang ni Bautista.

Mosulod lang sa eksena ang Comelec aron babagan ang kandidatura sa usa ka politiko kung aduna nay gipawas nga mando o judgement of conviction ang korte batok sa nasangpit opisyal, sumala ni Bautista.

Subay niini, mi-abiso si Bautista ngadtos mga Caraganon botante nga himoon nalang “election issue” ug giya o sumbanan sa pagpili ang kalambigtan sa partikular nga kapitan o kaha kagawad sa patigayon droga.

“Pero pwede pong maging isyu yan sa halalan at hayaan na ang taong bayan ang maghusga kung sa tingin nila karapat dapat yung kandidato,” dugang ni Bautista.

Una nang gikumpirma ni Philippine Drug Enforcement Agency Caraga director Gilbert Buenafe, nga pipila ka wala niya panganling kapitan ug kagawad sa barangay sa 5 ka probinsya sa Caraga ang nahilakip sa ilang narco list nga nag-gikan pa mismo kang Pres. Duterte.

Butyag pa ni Buenafe, 2 ka nalistang kapitan gikan sa Surigao del Sur ang ilang nang nadakpan bag-ohay lang human sa gikasang drug operations, ug ubay-ubay na usab ang boluntaryong nanurender sa ila.

Leave a Reply

Your email address will not be published. Required fields are marked *