Cabadbaran prosecutor recommends filing of VAWC case vs Agusan solon, Mayor Mortola

Ni Carlos Linao

Tungod sa pakig-relasyon ni Agusan del Norte 2nd Rep. Erlpe John Amante kang Cabadbaran Mayor Katrina Mortola, nakasinati matud pa ang legal nga asawa ug mga anak niini og “psychological violence” nga gikonsiderang salaod ubos sa VAWC law, sumala sa fiscalya. Skeptica

Tungod sa pakig-relasyon ni Agusan del Norte 2nd Rep. Erlpe John Amante kang Cabadbaran Mayor Katrina Mortola, nakasinati matud pa ang legal nga asawa ug mga anak niini og “psychological violence” nga gikonsiderang salaod ubos sa VAWC law, sumala sa fiscalya. Skeptica

Girekomenda sa Office of the City Prosecutor-Cabadbaran nga pasaka-an sa korte sila Agusan del Norte Rep. Erlpe John Amante ug Cabadbaran Mayor Katrina Marie Mortola og kasong paglapas sa Republic Act 9262 kun Anti-Violence Against Women and their Children (VAWC) .

Kini, human nakitaan sa fiscalya og probable cause o igong basehan ang reklamong gipasang-at ni Mrs. Judy Chin-Amante batok na sa kanhi bana ug sa kasamtangan hinigugma sa mambabalaod.

Sa upat-ka pahinang resolution gipagawas ni acting Cabadbaran prosecutor Manuel Tesiorna, Jr. penetsahan November 24, 2016, gisaysay sa fiscal nga dunay igong kapasikaran sa ebidensya ug testimonya nga itaral sa hukmanan si Rep. Amante ug Mayor Mortola aron mapanubag sa nakomitar salaod.

Sumala ni Tesiorna, tungod sa alegasyon pagkigrelasyon ni Rep. Amante kang Mortola, nakasinati matud pa ang legal nga asawa ug mga anak niini sa ginatawag “psychological violence” , diin gikonsiderang salaod ubos sa Sec. 5 (i) sa VAWC law.

“The records are clear that the complainant and her children suffered emotional distress because of the illicit sexual relations of the respondents. Hence, it falls definitely under the provision of Section 5 (i) of R.A. No. 9262,” unod sa resolution ni Tesiorna.

Sa maong resolution usab, gibasura ni Tesiorna ang kasong concubinage o pagpangabit nga himulag gipasaka ni Mrs. Amante batok sa duraha tungod sa kawalay igong ebidensya.

Septembre miaging tuig, maisogong gipangkasohan ni Mrs. Judy og VAWC ug concubinage ang mambabalaod ug kaipon si Mortola kay dili na daw niya ma-antos pa ang nasinatian pait nga “psychological abuse” mugna sa pagpangaliwa sa iyang pares.

Sa usa ka pamahayag, gi-abot ni Mrs. Amante ang iyang kalipay sa nabatonan nga pasi-unang kadaugan alang sa gitinguhang hustiya ug ka-angayan.

“This is just the beginning. The truth always has a way of finding itself, no matter how many lies are told to try and cover it up,” sulti ni Mrs. Amante.

Ingon ni Mrs. Amante, kampante siya nga mapahamtungan gayod og tukmang silot sa balaod ang gihimo sa kongresista kaniya, ug sa ilang 3 ka mga anak.

“No one is above the law. I will continue to fight not just for myself but for my children. God is with us,” dugang ni Amante.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP