Butuan vice-mayor, 10 admin councilors face raps at Ombudsman

By Angel F. Gaviola

Aquino: The city council did not violate any law in suspending Amora. Skeptica

Pormal nang gireklamo ni Assocation of Barangay Captains (ABC-Butuan) President ug City Councilor Nestor Amora sa Office of the Ombudsman si Vice Mayor Jose “Joboy” Aquino ug ang 10 ka konsehales sa dakbayan gitudlo sa opisyal responsable sa daw illegal nga pagsuspende kaniya.

Ingon ni Amora, ang gipasang-at niyang patong-patong nga kasong abuse of authority, oppression ug grave misconduct niadtong adlaw’ng Merkules mao iyang resbak sa gihimong “political persecution” o pagpanglutos sa administration-dominated Sangguniang Paglungsod.

“Ingon sila, hagit nila nga tinud-on, gitinuod ko na, ila napod karon. Nasayod raba gyud ako nga kaning mga tawhana sad-an aning mga kaso nga gipasang-at nako ,” sulti ni Amora, nga nag-inusarang tinggog sa opposition sa 12-member council.

Lakip usab niyang gipangkasohan, sumala ni Amora, ang 28 ka kapitanes ubos sa bando ni Mayor Ronnievic “RCL” Lagnada kon Team RCL nga matud pa nakigkunsabo kang Aquino ug sa mga konsehales aron daw siya masipa o ma-evict sa posisyon.

Dugang pa ni Amora, nga iladong saligando ni former Butuan Mayor Ferdinand Amante, Jr., kampante siya nga dapegan sa Ombudsman ang iyang kausa ug tinguhang makab-ot ang hustisya.

“Kining oppression , pagdaog-daog kanako isip usa na lamang nga ka nahibiling oposisyon sa SP ug dinhe sa atong dakbayan isip usa ka punong barangay. Ikaduha, abuse of authority tungod kay they assumed nga makapagawas o makapalusot sila og usa ka resolution, legislative measure nga ila kung tanggalon diha sa SP,” sulti ni Amora.

“Unya, grave misconduct tungod kay all public officials are accountable officials, dapat they should behave like gentlemen or talagang above the board ang mga actions niini.”

Last November, gipahamtungan sa city council og 2-month preventive suspension si Amora tungod sa reklamong gipasang-at sa iyang mga kagawad sa Barangay Banza, nag-ugat sa alegasyon pagmaniubra’s mga proyekto mobalor minilyon.

Una nang midepensa si Vice Mayor Aquino nga legal ug wala’y gilabag nga balaod ang mga lokal nga mambabalaod sa pag-aprobar nila sa gidusong resolusyon gikan sa committee on good government sa pagpangulo ni Councilor Gil Unay diin nagrekomendang e-suspende si Amora.

“Ako gasunod lang ako kung unsay kuan sa konseho, rekomendasyon sa komitiba, dunay nagreklamo nga mga kagawad. Under section 61, RA 7160 which is the Local Government Code, naa sa SP ang pagsuspende, ang rekomendasyon sa pagsuspende sa usa ka local elected official part of that is the barangay official,” depensa ni Aquino.

Sumala pa usab ni Councilor Unay, wala’y lain tao mabasol si Amora sa nadangatan niining suspensyon kon dili ang iya lamang kaugalingon.

Gitaga-an matud pa sa iyang kotimiba og due process ug ta-as nga higayon si Amora motobag sa maong reklamo, apan gi-deadma o gibaliwala lang kini sa kapitan, ingon ni Unay.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP