Skip to content

Butuan mayor hits back at critics: ‘Wala ko perme, pero nagtrabaho ko’

By Angel F. Gaviola

Lagnada: Out of sight but not out of touch.

“Wala ko permi, pero nagtrabaho ko, makit-an rana ninyo kay kapoy naman gud kaayo mo-istorya. Unya nako mo-istorya kung naana koy agi.”

Kini ang reaction ni Butuan Mayor Ronnievic “RCL” Lagnada sa batikos daw dili halos makita sa opisina ug perme lang out of town ang amahan sa dakbayan.

Aminado si Lagnada, kanunay siya’ng wala sa Butuan tungod kay nakatutok siya sa pagpang-agni og mga dinagkong investor ug langyaw mamohunan sa tumong mapa-angat ang estado sa ekonomiya sa siyudad, ingon man mahatagan og katrabahoan ug kinitaan ang mga Butuanon.

“Kana karon, usahay dili ko ninyo makit-an, pero sultian ta lang mo gatrabaho baya ko. Usahay dili ko ninyo makit-an, pero toa ko sa Cagayan, toa ko sa Manila nangita kog pundo madala dire. Kay ang mayor dapat ang trabaho sa mayor mao na iyang trabaho, management connection,” sulti ni Lagnada.

“Kay mas epektibo ko kung naa koy mga linya, network didto sa gawas daghan koy madala dinhe kaysa mag-sige ra kog pirma diha wa tay agi , di ba? Kay ang pirmahanan diha baga kaayo kada adlaw,” dugang ni Lagnada.

Ingon ni Lagnada, way igsapayan para kaniya ang mga batikos ug komento’s mga kritiko kabahin sa iyang leadership ug management style, sanglit kabahin kini sa demokrasya ug nagtunhay sistema sa politika.

Segun pa sa neophyte mayor, determinado ang iyang administration mohimo og kabag-ohan ug mohatag mga maayong programa ug proyekto para sa bagang katawhan Butuanon.

“I don’t care kung naay masuko o dili basta kaayuhan sa tanan akong himuon. Moingon sila mayor, basin ang kanang kuan dili na mobuto nimo, naay masuko , yes tinoud , pero daghan pod malipay. Ana mana, naay mawala sa imo, naa pod moabot sa imo. Pero kinahanglan tan-awon nimo nga majority kung kinsay makabenepisyo dapat mas bug-at ang daghan,” saysay sa mayor.

Aminado usab si Lagnada nga “nabag-ohan” gayod siya isip politiko ug sa panerbisyo sa publiko tungod sa dakong kalainan mga sistema, proseso, regulasyon ug balaod nga dapat sundon sa goberno.

“Ang bureaucracy ba mao na akong gusto utrohon nga pwede raman siguro nga abot sa tumoy yes or no nalang ko, nahimas na daan ba. Pero sa karon man gud tun-an nimo tanan kay usahay pod ako mabag-uhan ko kay dili baya ko politiko, private sector baya ko, so daghan koy nabag-ohan gyud ko,” ingon ni Lagnada.

Leave a Reply

Your email address will not be published. Required fields are marked *