Butuan gov’t forms procurement body to combat corruption, red tape

By Angel F. Gaviola

Target sa bag-ong gipormang opisina tuldokan ang “loopholes” sa bidding and procurement processes gipatuman sa nakalabay’ng administration sa Butuan. Skeptica

Agi sa usa ka ordinansa, gi-porma sa lokal nga panggamhanan sa Butuan ang usa ka bag-ong opisina nga maoy motutok sa bidding ug procurement processes sa City Hall.

Ang kamugnaan sa City Procurement Management Services Office (CPMSO) kabahin sa tubag sa administrasyon Lagnada sa panawagan tuldokan na ang korapsyon ug bureaucratic red tape nga sagad naglimin sa kanhi sistema ug proseso sa bidding ug procurement gipatuman sa nakalabay’ng administrasyon, matud ni Councilor John Gil Unay Sr.

“This is line with the thrust of the RCL administration to cleanse corruption and the bureaucratic red tape in the city government and also to organize an efficient and working city government for the people of Butuan,” asoy ni Unay, nga maoy nangamahan sa maong ordinansa.

Sumala ni Unay, nakita sa bag-ong administrasyon ang kamahinungdanon sa usa ka procurement office human nasuta nga daghan og “loopholes” sa kanhi sistema ug proseso sa bidding ug procurement, resulta ubay-ubay’ng transaksyon sa nakalabay’ng administrasyon ang makonsiderang mga ma-anomalosa ug kwestionable.

“Kinahanglan nato ang plastado nga sistema ang opisina ug ang mga tawo nga naa diha kay sa pagsulod namo July 2016 among nabantayan nga daghang loopholes. Pag-abot sa check and balance, pag-abot sa accounting purposes, sa kinsa ang magmonitor kang kinsa. So, naa tay problema kay magpasa-pasa , so dili maklaro kay sa procurement lang pagsulod namo sa SP walay klaro nga procurement office,” dugang ni Unay.

Pina-agi sa CPMSO, ingon ni Unay, malabo na matud pa nga duna’y mahitabong pagmani-ubra sa Bids and Wards Committee (BAC), sanglit ang bag-ong buhatan adunay kaugalingon BAC secretariat nga magsilbing “mata ug talinga” sulod mismo sa BAC Office .

“Kung tan-awon nimo naay mata ug talinga ang CPMSO didto sa BAC Office, mao ni siya ang BAC secretariat. Dati sa BAC Office dili ka makahilabot, pagsulod sa dokumento wala na. Karon , the BAC secretariat sa CPMSO will work hand in hand with the BAC Office ,” asoy ni Unay.

Kampante usab si Unay, pina-agi sa gimugnang opisina, mas mapadali na ang paghikay gikinahanglang bidding and procurement documents ug wala na daw mahitabo pang hocus-pocus.

“Ang corruption mahitabo man gud kung gamay lang nga tawo ang nakahibalo, gamay lang opisina ang magsabot-sabot. Kani, lahi naman. Ang BAC sa Procurement Office dati, kung kinsa ang nagrequest siya ang mo-approve, siya ang mopalit, siya ang deliveran siya, ang modawat, dile na na mahitabo karon,” dugang ni Unay.

“Daghan ang nagreklamo before kay hinay ug dugay kaayo ang proseso sa BAC, pero in this ordinance, hopefully, in the next several months makahatag mi smooth-processing sa atong opisina kay naplastar naman dinhe ang sistema ug proseso. Naay check and balance, so dili nata maproblema sunod sa atong procurement process nato.”

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP