Butuan gov’t earmarks P4M for garbage woe solution

Ni Angel Fuertes-Gaviola

Nortega: Mga badlongon Butuanon nga gapataka lang og labay basura sa kadalanan nakapadugang sa suliran. Skeptica

Gi-angkon ni Butuan City Councilor Cromwell Nortega dili lalim ug dakong hagit sa kasamtangan administrasyon ang pagsulbad sa problema’s basura sa dakbayan .

“Labad, dako kaayo nga problema kay nakita nato ang problema sa mga barangay kulang pud sila og facilities, walay MRF facilities. In fact, wala silay tigkolekta,” asoy ni Nortega, nga nasilbing chairman sa council committee on environment and natural resources.

Segun ni Nortega, dili lang ang kakulangon sa pasilidad ug mga tigkolekta og basura, lakip usab nakapadugang sa maong suliran mao ang “makadismayang” batasan ug binuhatan sa pipila ka mga badlongon Butuanon gapataka lamang og labay sa basura.

“Mo-ingon gyud kog labad kay naa tay mga kaigsuonan nga atong masundan, naka desakyanan bisan asa ra nila ilabay didto sa diversion road ipang-itsa ra,” ingon ni Nortega.

Apan gipasi-atab sa konsehal nga gitutokan ug gipaningkamotan gayod sa iyang komitiba inubanan sa mga responsableng ahensya sa LGU-Butuan nga matuldokan na ang maong suliran, pina-agi sa gipatumang waste segregation program.

Gani, balor P4 milyon ang gigahin sa lokal nga panggamhanan sa kasamtangan para pondohan ang konstruksyon Material Recovery Facility (MRF) sa kabarangayan.

“Adunay P4 milyon gi-appropriate for MRF facility katong walay mga MRF ug katong designated pick up points atong pamutangan og mini MRF nga didto nila ilabay ilang basura dili kay bisan asa lang,” sulti ni Nortega.

“Naa pa gyud mga barangay nga nagkaproblema pa gyud intawon pero pipila na lang ni. There are 43 servisable barangays, handful nalng gyud ning naay problema sama sa Bayanihan, Villakanga, some portions sa Libertad.”

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP