Butuan firm paolanan og kaso for importing shabu chemical

By Clyde Hikilan

Armed with search warrants, PDEA agents raided the warehouse used by Juchem Enterprises to store tons of imported chemicals in Barangay Doongan, Butuan on Monday.

Patong-patong nga kaso ang gikatakdang ipasaka sa Philippine Drug Enforcement Agency (PDEA–Caraga) sulod ning semanaha batok sa kompanyang Juchem Enterprise gi-alegahan nang-import og chemical nga gikaingon kinahanglang sangkap paghimo og shabu.

Segun ni Gilbert Buenafe, regional director sa PDEA- Caraga, bisan pa og legal ug licensed ang maong kompanya isip distributor og chemicals sulod sa rehiyon, wala kini tukmang permiso o clearance aron mag- import og chemical sama nalang sa hydrochloric acid.

“Legal yung kanilang business. Ang problema lang ehh wala silang license to import such chemicals, kasi T1 at T4 lang yung license nila. Wala sila yung T-5 license” sulti ni Buenafe.

Ingon ni Buenafe, dapat gayod manubag sa balaod ang mga tag-iya sa kompanya subay pagkumpiska’s custom officials ug PDEA sa shipment nga dunay sulod 320 drums sa hydrochloric acid gikan India nga naka-consigned sa Juchem Enterprise sa may Mindanao Container Port sa Tagoloan, Misamis Oriental niadtong Feb. 14

“Siguro by tomorrow, basta hindi na lalampas sa Friday kung magkakaron na tayo ng result, makaka decide na tayo kung anong case ang isasampa,” dugang sa opisyal.

Sa monitoring sa PDEA , butyag ni Buenafe, bulan sa December, 2016 unang nag-import og hydrochloric acid ang maong kompanya, nga medepensang legal ug walay hiwi sa pang-angkat nila sa nasangpit chemical nga sarang gipangbaligya nilas kleyenteng minahan.

Adlaw’ng Lunes, pinasikad sa usa ka search warrant girondas mga PDEA operatives ang bodega sa ingon
nahimutang sa may Barangay Doongan aron pangitaon ang susamang chemicals na-unang na-import sa kompanya.

“Yung mga chemicals na pakay naming makuha ehh na deliver na, very happy naman kami na very cooperative naman yung owner. Kaya nga lang, wala na yung mga chemicals na pakay namin” sulti ni Buenafe.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP