Butuan councilor gialegahan ‘nang-dummy’ og quarry operator

Ni Angel Fuertes-Gaviola

Nortega

Hugtanong gihimakak ni Butuan Councilor Cromwell Nortega ang alegasyon iyang “dummy” ang tao’ng nag-apply permit maka-operate og quarrying sa kabukiran bahin sa may Barangay Pianing.

Ang maong alegasyon usa lamang ka pagtumo-tumo ug dunay “kolor politika” aron daoton ang iyang dungog, segun ni Nortega.

Sa pakighinabi sa Periodico, gibatbat ni Nortega, wala siya’y koneksyon sa tao’ng nag-aplay og permiso’s quarrying ug daw na-ipit lamang matud pa siya sa panag-bangi sa duha ka magka-rival grupo interesado makuha ang quarry project sa maong barangay.

“Ang ilang huna-huna tungod kay kaila man gud nako ang nag-aplay si Camlon Sanchez, murag dummy ang ilang huna-huna. Ingon ko, nga dili mana mahitabo kay kung magdummy-dummmy paka makit-an gyud gihapon sa tawo,” esplika ni Nortega.

Ingon ni Nortega, nga isip chairman sa committee on environment and natural resources sa konseho, diin naka-pending ang applikasyon quarrying permit, iyang mapasalig sa katawhan Butuanon walay mahitabong palakasan o hocus-pocus sa mga nakalatad proseso adeser ihatag ang go-signal quarry operation sa lugar.

“ Ako ang chairman sa environment, kami ang moproseso, CMRV ang mo-approve, kung magdummy ko nganong buhatan ko nalang hinuon. Dili, i-agi gyud og proseso, oppose kau ko anang mga illegal quarry,” sulti ni Nortega.

Sumala ni Nortega, pwedo unta akohon sa barangay council inubanan supporta sa lokal nga panggamhanan ang maong quarry operasyon , nga daw hugot gi-rekomenda’s technical experts sa City Environment and Natural Resource Office (ENRO).

Apan, ingon ni Nortega, walay igong pondo ug ekipo ang ingon para sa maong quarry operasyon, nga mao daw nakita sa ENRO nga preventive measure aron maproteheran ang gihimong gabions sa DPWH kilid barangay road ug ma re-channel ang dagan sa tubig gikan sa kabukiran parte sa maong barangay.

“ Wala gyud koy nakit-an pundo sa Barangay Pianing para sa re-channeling ug uban pa. Karon naa ba tay mga equipment nga pwede magamit sa kasamtangan , wala. In fact, ang atong mga dumptruck ginagamit sa atong basura, unsa man ang imong ihakot didto kintahay nga problema pa gani ta sa basura,” dugang sa konsehal .

“Ang ilang gingon nganong dili goberno, ang ako pod hunahuna kung pwede kwarehon kung mahatagan og permit ang taga-brgy nila nganong dili man nga pareha raman og katuyoan, mao lagi na kay dili man lagi sila, dili pod sila aning isa, o para wala goberno nalang ing-ana ang ilang hunahuna”.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP