Busa: Shortage tambal sa BMC will be a thing of the past

Ni Angel Fuertes-Gaviola

 

Gipasilig ni Coucilor Cherry Mae Busa sa katawhan Butuanon nga dili na gayod mahutdan pa og suplay sa tambal ug uban pang medical supplies ang Butuan Medical Center (BMC) subay sa “reforms” ilang ipatumanan sa maong balay tambalanan .

Ingon ni Busa, chair sa committee on health and sanitation, agi’g tubag sa wala-toong molo ug reklamo sa mga pasyente sa kawalay suplay tambal sa BMC pharmacy, ipatuman na sa tigdumala sa ospital ang gitawag consignment scheme sa procurement.

Ubos sa consignment system, sumala ni Busa, magpa-accredit ang BMC ngadto na sa mga pharmaceutical firms aron directang maka-angkat sa ubos nga presyo og tambal ug medical supplies gikanahanglan sa tambalanan.

Pina-agi niini, layo na mahitabo nga ma-short o mahutdan pa og tambal ang BMC pharmacy, ug dili na kinahanglan pa sa mga pasyente mogawas o mopalit tambal sa mga pribadong botika, dugang ni Busa.

“Hopefully, ato nang ma-institute ang consignment system aron dili na gyud ta mahutdan diha sa BMC ug mokita pod ang syudad kay mas barato man ang offer diha sa BMC. So pwede mamalit na diha ang tanan mga tawo sa BMC Pharmacy puhon,” asoy ni Busa.

Sumala sa opisyal , nakigpulong na siya sa BMC board of directors aron han-ayon ang epektibong pagpatuman sa maong systema.

“Naa natay meeting sa hospital board atong gipa-bench mark atong accounting office didto sa Southern Phils. Medical Center aron makita nila didto ang operation sa consignment system. They were made to observe actual operation sa SPMC sa Davao,” dugang ni Busa.

Ang ipatuman sistema sa pagpalit og tambal kabahin sa health reform agenda sa administrasyon Lagnada taliwala sa mga problemang naglumon sa BMC nga daw wala mahatagi pagtagad sa nanglabay’ng administrasyon, ingon ni Busa.

Sa tumong ma-improba ang serbisyo sa gipanag-iya sa city government nga ospital , nasayran gi-usbawan sa administrasyon ang annual budget sa BMC para sunod tuig, gikan P129 milyon to P173 milyon.

  • 1
  •  
  •  
  •  
    1
    Share
  •  
    1
    Share
  • 1
  •  
  •  

Leave a Reply

Your email address will not be published. Required fields are marked *


TOP