Skip to content

‘Bonus’ gihatag Caraga private firms, employers, gi-almahan

Ni Angel Fuertes-Gaviola

Ubos sa labor code, bawal ang “convertion” sa 13th month cash pay madawat mga empleyado matag hinapos sa tuig kun diin equivalent o kapareho kini sa ilang binulan sweldo. Skeptica

Gi-almahan sa Kilusang Mayo Uno (KMU-Caraga) ang gipa-abot kanilang reklamo daw pipila sa mga pribadong kompanya o employers sa rehiyon ang gapanghatag og grocery items, gadgets, ug raffle coupons isip 13th month pay sa ilang empleyado.

Ingon ni Jun Mantilla, coordinator sa KMU-Caraga, ang maong practice sa mga kompanya dakong kalapasan sa labor law, diin nakalatad purong salapi o cash ug walay conversion sa gimandong 13th month pay o bonus mga mamumoo matag hinapos sa tuig.

“Karon ang gi-ingon nato nga ang 13th month pay ipaagi og mga goods dili gyud siya makatarunganon ug dili siya maayo supak siya sa balaod. Dili pwede ang 13th month pay nga hiumon nimo, i-convert nimo og goods,” asoy ni Mantilla.

Awhag pa ni Mantilla sa Department of Labor and Employment (DOLE) nga hina-naling aksyonan ang maong report ug sitahon ang mga kompanya nalambigit sa illegal binuhatan.

Sumala ni Mantilla , sa balaod, obligado ang mga employer mohatag matag tuig og 13th month pay, nga equivalent o kapareho sa binulan sweldo sa ilang trabahante.

Kini, sahi pa sa gitawag Christmas bonus nga boluntaryong ihatag isip pahalipay sa kompanya sa ilang mga empleyado.

“Kung maghisgot gani ta og 13th month pay as provided nga gigarantiya sa balaod atomatik ug gani ang mga trabahante 1-month lang ang imong pagtrabaho atomatik makadawat ka og 13th month pay. Wala siya nagtan-aw kung regular ka man, casual, probationary unsay sistema nimo sa imong panarbaho,” dugang pa niya.

Daan nang nagpahimangno si Caraga labor director Evelyn Ramos sa mga employers mosubay gayod sa balaod ug dapat dili ihikaw ang 13th month gikantar sa balaod para sa mga mamumoo.

Leave a Reply

Your email address will not be published. Required fields are marked *