Bag-ong paglaum, gihanyag mga out-of-school youth sa AgNor

Mipailawom sa duha ka adlaw nga pagbansay ang mga kabatan-onan sa Barangay Binuangan, lungsod sa Tubay, Agusan del Norte mahitungod sa “Personality Development and Values Formation” didto sa Goat2geder Hotel and Restaurant, Butuan City kaniadtong Hunyo 24-25, 2017.

Gipahigayon ang maong seminar sa SR Metals, Incorporated isip paghanyag og bag-ong paglaum sa mga 17 ka kabatan-onan aron mabag-o ang panglantaw ilabi na nga kadaghanan kanila mogamit og ginadiling druga ug misurender sa “Oplan Tokhang Program” sa gobyerno.

Sumala usab sa SRMI, nga gi-organisa nila ang maong grupo sanglit usa sila nga gitumbok nga makadawat og ‘Purified Water Refilling Station nga “Livelihood Program.”

“Gitukod na ang Production Building ug gi-instalar na ang mga equipment. Igo na lang gyud nila pagasugdan ang maong pangnegosyo,” asoy ni Jacquelou Modar ang Asst. ComRel Manager sa SRMI.

Gikatakdang pormal nga itunol ang maong negosyo package karung umaabot nga mga adlaw ug mamahimo na kining pagasugdan aron mokita.

Ang maong programa kabahin kini sa Social Development and Management Program (SDMP) sa kompanyang SR Metals sa Tubay, Agusan del Norte. Ni JD

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP