Skip to content

Ayuda alang mga mag-uuma sa Tubay, gitunol

Gipahigayon sa SR Metals ang pagtunol og mga saha sa saging ug organikong abono isip ayuda sa mga mag-uuma sa Barangay Binuagan, Tubay, Agusan del Norte adlaw’ng lunes, Hunyo 19, 2017.

Usa kini nga programa nga gi-aprobahan ubos sa Social Development and Management Program sa kompanyang SRMI human nasuta nga adunay dakong panginahanglanon ang sector sa mga mag-uuma panahon sa gipahigayong kokabildo sa komunidad.

“Kining maong proyekto gihatag og libre sa mga mag-uuma gikan sa saha sa saging nga tondan ug hangtod sa abono tungod kay naglaom ang kompanya nga dako kini ug katabang aron kakuhaan og salapi sa panahon nga ma-harvest kini,” tipik sa pamahayag ni Carlos Tolibas atol sa pag-apod-apod.

Adunay 15 ka mga mag-uuma nga malipayong midawat og 100 ka saha ug 2 kasako nga bono matag usa.

Hisayran, nga ang maong piniling benepisyaryo gipahigayonon kini og aktwal nga balidasyon aron masiguro nga aduna gayud mga kaugalingong luna aron pagatamnan sa maong mga luna adesir mipailawom sa seminar sa pag-amuma ug pagpananum ug saging (Banana Plantation Management) kaniadtong Mayo 20, 2017.

“Ang aduna lang mga luna o mga legit nga farmer ragyud ang nakadawat ug mga miyembro usab sa organisadong hugpong sa mag-uuma,” sumala pa ni Risalina Año, usa sa mga benepisyaryo.

Gilauman nga ang maong mga saha, matanom ug mapahimuslan kini sa maong mga benepisyaryo sa umaabot nga mga bulan pwede na kining kakitaan og salapi aron magamit sa pang-adlaw adlaw nga panginabuhian ilabina nga ang pagpanguma ang nag-unang kapanginabuhian sa katawhan sa wala pa matawo ang mina. Ni JD

Leave a Reply

Your email address will not be published. Required fields are marked *