Amora to Butuan Vice Mayor Joboy, admin councilors: Resbakan tamo

Ni Angel Fuertes-Gaviola

Gitawag ni ABC-Butuan Pres. Nestor Amora ‘political persecution” o panglutos sa kasamtangan administrasyon ang gihimong pagpasuspende kaniya sa konseho sulod sa 60 dias. Skeptica

Nangante si Association of Barangay Captains (ABC-Butuan) Pres. ug city councilor Nestor Amora nga dili diya palabyon ug resbakan ang gihimong pagpasuspende kaniya sa mga “arogante , abusado” kaubanan sa Sangguniang Panglungsod.

“Makita gyud nimo kung unsa sila ka-abusado ug arogante , unya they are acting beyond the limits of their power,” batbat ni Amora.

Sa pakighinabi sa Periodico, ingon ni Amora, ang 60-day suspension order girekomenda batok kaniya sa committee on good government sa pagpanguna ni Councilor John Gil Unay nga daw sutoy gi-aprobahan sa council en banc, usa matud pa ka klarong “political persecution” o pagpanglutos sa mga supporters sa kanhi administrasyon.

“Isa lang gyud ang akong tan-aw ani it is political persecution because naa ko sa pikas . Identified ko nga hilabihan ang akong pagbarog paglaban sa administrasyon ni Mayor Jun Amante isip ABC president niadtong higayona ug nahibalo usab ako nga dili patas ang dagan dinha sa SP,” sulti ni Amora.

“So, definitely mas maayo pod ni nga ilang gibuhat sa ako co’z, I am longing for a day in court, kay didto makita gyud ang patas, kay diha gud sa SP wala gyud patas diha kay ila tanan. They could do everything, even beyond sa limit sa ilang mandato pwede nila buhaton.”

Partikular usab nga gibanatan ni Amora si Vice-Mayor Jose “Joboy” Aquino nga maoy nanghingusog masuspende siya nga kapitan sa Barangay Banza taliwala sa kawalay ebedensya ug tukmang kapasikaran , arong hingpit magtanggal sa lokal nga konseho, isip representante sa Liga ng mga Barangay sa dakbayan.

“You can never disenfranchise the Liga ng mga Barangay by removing me as punong barangay sa Barangay Banza kay mao mana ilang target karon. I am not an ordinary punong barangay,” asoy ni Amora.

“So there is only 2 nga pamaagi nga ang liga president pwede nimo i-suspend ug pwede nimo i-remove. It’s either through the Liga in which you will going to file a complaint through sa regional liga ug paingon dayon sa national liga .Ang ikaduha dayon ang korte , its not the SP for them to decide.”

Kahinumduman, gipahamtungan sa city council og 2-month preventive suspension si Amora tungod sa reklamong gipasang-at sa iyang mga konsehales nag-ugat sa alegasyon pagmaniubra’s mga proyekto sa Barangay Banza.

“Naay 3-4 projects nga gireklamo sa mga konsehales sa Banza nga wala kuno niagi , wla kabalo ang council ug walay barangay resolution. So, murag wala niagi sa ila , si kapitan ang nagbuot, isa na sa issue nga gi-raise sa complaint,” sumala ni Unay.

Sa kasamtangan, perma nalang ni Mayor Ronnievic “RCL” Lagnada ang gihulat aron hingpit nang ma-implementa ang suspension order kang Amora, nga nag-inusarang tinggog sa opposition sa 12-member council ug iladong saligando ni former Butuan Mayor Ferdinand Amante, Jr.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP