Agusan del Norte’s P1-B budget for 2017 ‘kwestionable’- Maragañas

Ni Daisy Saraon

 

Gi-kwestiyon ni Agusan del Norte opposition board member Lorito Maragañas ang bag-o lang na-aprobahan P1-billion annual provincial budget para sunod tuig 2017.

Ingon ni Maragañas, nga pareha sa P800-M budget sa probinsya milabay’ng tuig, daghan daw gihapon mga kwestionableng appropriations ug items gisulod sa gi-aprobahan budget sa Sangguniang Panlalawigan.

“Ni opposed gyud ko ani kay ako man jud unta gusto nga makita jud ba ang mga expenditure sa last year nga budget kay naa manjud ko nakit-an nga daghan kayo nga mga empleyado nga wa ko kita ana, unya gi charge sa amo sa SP, ” asoy ni Maragañas.

Alegar ni Maragañas, usa sa mga questionableng items nakita sa panig sa opposition sa maong budget mao ang P1-M allocation para panggasolina sa SP secretariat.

“Unya ang amo ganing sa secretariat P1 million ang gasoline kami mga board member sige adto sa ubang lungsod wala bisan usa ka litro,” dugang ni Maragañas.

Gi-adtoan apan pakyas ang Periodico makuhaan si Agusan del Norte Vice Governor ug SP Presiding Officer Ramon Bungabong sa iyang reaction.

Aminado si Maragañas nga taliwala sa pakigbisog sa minorya ma-utingkay ang tanan items o unod sa maong budget, wala silay nahimo kay mitigbabaw gayod ang administrasyon .

“Wa man tay mahimu kay under sa Lokal Code ang vice governor makabutar man in case of tie. Unya pagtable kay lima lima me, eh di aprob gyud,” sulti ni Maragañas.

Sa boto nga 6-5, naipasa sa SP nga gidominahan sa mga kaalyado ni Gov. Angel Amante-Matba ang P1,004,448.557 budget sa probinsya .

Pabor sa maong balaodnon sila Vice Gov. Bungabong, board members Babette Calo, Virgillio Escasiñas, Dick Carmona, Aquino Game ug Benjamin Lim, Jr.

Sumala pa ni Maragañas, wala intention ang opposition nga yagawon ang mga gipondohan programa ug proyekto sa probinsyal nga panggamhanan , apan gusto lang daw nila mapaneguro nga ang buwis sa katawhan dili masayang sa abuso ug kapretso sa mga opisyales.

“Ang akong gusto ba nga pareha ba sa Cabadbaran sa na konsehal pako for almost 18 years na naa gyuy makita nimu kung unsay gigastuhan kay kwarta gyud na sa katawhan . Di mana imo personal nga kwarta , unya gipalingkod gyud ka diri tungod sa mga tawo nga nipili kanimo mao pud toy akong katarungan, ” saysay sa opisyal.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP