40 Caraga policemen sacked in war on bad cops

By Clyde Hikilan

Felix

Mokabat sa 40 ka membro sa Caraga Regional Police Office ang gipapha sa serbisyo subay sa nagpadayong internal cleansing sa han-ay kapulisan sa rehiyon.

Segun ni Chief Supt. Rolando Felix, Caraga police director, determinado siyang limpyuhan ang rehiyon sa gibansagan “bad cops”, hilabina niadtong nagagamit og shabu ug nalambigit pagpayuhot sa illegal nga droga.

Ingon ni Felix, 22 sa 40 ka pulis Caraga nga gipang-dismiss niya sa serbisyo sugod bulan sa Enero 2016 hangtud ning kasamtangan sangkot sa paggamit og shabu ug direktang nalambigit sa pagpayuhot sa ingon.

Samtang ang nahibilin napamatud-an guilty for grave misconduct tungod sa gi-atubang nga mga kaso, dugang ni Felix, nga nagdumiling isapubliko ang mga pangalan mga nasangging pulis.

“22 from the dismissed policemen tested positive of using illegal drugs while the rest were found guilty for grave misconduct. They have ranks of PO1 to SPO4,” asoy ni Felix.

Bahad pa sa opisyal, dili gayod siya magpanuko nga pangsibakon sa serbisyo ug wala siya’y santohon maski de-ranggong opisyal man sa kapulisan nga mapamatud-an sangkot sa illegal nga binuhatan.

“This is part of our continuing internal cleansing efforts. It is not right that those who are supposed to implement the laws are the ones involved in illegal activities,” dugang ni Felix.

Nanghinaot usab si Felix, nga ang gihimo niyang aksyon batok “bad cops” magsilbi unyang leksyon active PNP members nga dili isugal ang ilang propesyon ug kaugmaon sa kabuang ug dautan binuhatan.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP