30-anyos pwede nang mag-summer job; 9,000 slots gigahin para Caraga

By Angel F. Gaviola

Prioridad makasulod sa tinuig summer job sa goberno ang poor but deserving students sa rehiyon. Skeptica

Anaa sa 9,294 ka estudyante sa rehiyon ang mahimong makapahimulos sa tinuig summer job kon Special Program for the employment of Students (SPES) sa Department of Labor and Employment (DOLE).

Sumala ni Annie Tangpos, spokesperson sa DOLE-Caraga, balor P25 milyon ang gigahin nga pondo sa goberno alang pangsweldo sa estudyanteng mamahimong benepesaryo.

“Under this program, naay 9,294 available slots para sa Caraga ug ang atong funding ani P25 million plus,” asoy ni Tangpos.

Sumala pa ni Tangpos, gipatas-an na usab sa ahensya ang edad sa pwede maka-avail sa programa, diin gikan 15-24 anyos, gihimo na kini karon 15 -30 anyos.

“Before 15-24 years old karon, pwede na 15 to 30, for as long as estudyante siya ug naa siya mga requirements nga gikinahanglan, iyahang grade passing. Katong mga poor but deserving students,” saysay ni Tangpos.

Aron malikayan na usab ang sagad problema’s estudyante panahon mag-claim sa ilang maayohon, giplanuhan na karon sa DOLE ang pagpakigsabot ngadtos mga “money remittances” aron didto na ipaagi ang pagpasweldo alang sa mas paspas ug walay kuting proseso.

“Usually, ang atong dilemma man gud sa SPES implementation is usahay ma-delay man gud ang bayad sa mga bata. Karon adunay mga proposal aron madali ang pagbayad ipaagi na sa Palawan pawnshop, iagi sa mga bangko pwede na sila mag-ATM. We were directed by our regional director to explore the possibility using this facilities to immediately pay our student beneficiaries,” dugang ni Tangpos.

Ubos sa programa, magdawat inadlaw suholan P280 ang mga benepesaryo nga magtrabaho sa panggamhang lokal diin kini nanimuyo sulod sa 78 dias.

“P280 ilang sweldo pero naay LGUs nga magdepende ang ilang sweldo sa ilang rate pud sa LGU. We are encouraging our takers to implement the minimum wage kay mao man na atong gi-set, pero reality mana nga some LGUs cannot afford P280 labi na tong mga 6th class, 5th class municipalities,” dugang ni Tangpos.

“Depende sa pledge of commitments in terms no. of slots given ug number of working days sa takers LGUs, academe, private sector. Maximum days nga ma-avail sa bata is 78 days pero dili man pud ta mag-expect nga tanang LGUs magtuman ani kay naay uban tag 10 days, 20 days kay naa man uban daghan og slots so gibahin-bahin para ma-accommodate tanan nag-aplay.”

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP