3 Caraga mayors nag-operate ‘illegal’ dumpsites nameligrong masibak

Ni Carlos Linao

Ubos sa provision sa Ecological Solid Waste Management Act, bawal na para sa usa ka lokal nga panggamhanan ang mag-operate og open dumpsite nga klase sa basuran. Skeptica

Nameligrong matanggal sa serbisyo ang 3 ka mayores sa rehiyon nga gipang-sumonan sa Office of the Ombudsman-Mindanao tungod sa alegasyon pakyas kining mapasirad-an ang gitawag “open dumpsite” nga klase sa basurahan sa ilang lungsod.

Kini, kon dili matud pa supesyente ug convincing ang mamahimong explenasyon unya sa mga mayor sa General Luna (Surigao Del Norte), Marihatag (Surigao Del Sur)ug Loreto ( Agusan Del Sur), sumala ni Deputy Ombudsman for Luzon Gerard Mosquera.

Ang pagpatawag sa Ombudsman sa maong mga opisyal , sumala ni Mosquera, kabahin sa reklamo nga gipasaka sa buhatan gikan sa National Solid Waste Management Commission niadtong Feb. 10, 2016 tungod sa alegasyon nagpadayon ang operasyon sa illegal nga klase sa basurahan sa nasangpit mga munisipyo.

Ingon ni Mosquera, nga maoy nangulo sa Environmental team sa buhatan , dapat gayod mapasabot kanila sa mayor sa maong mga lungsod nganong gibaliwala nila ang Solid Waste Management Act ug uban pang balaodnon sa saktong pagmentenar ug paglabog og basura.

Ubos sa provisions sa Republic Act No. 9003 kon Ecological Solid Waste Management Act, bawal na para sa usa ka lokal nga panggamhanan ang mag-operate og open dumpsite, ingon ni Mosquera.

Mag-atubang sa Sandiganbayan og mga kasong administratibo , graft, violations sa Code of Conduct and Ethical Standards for Public Officials and Employees, ug Local Government Code ang mga opisyal mapamatud-an mipakyas sa pagsangon sa hustong klase sa basuran ug paglabog og basura sa ilang matag-tagsa tagsa ka lungsod .

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP