250 hotels, resorts sa Siargao ‘target’ sa DENR

By Angel F. Gaviola

Kasagaran nag-operate mga resorts ug hotels sa Siargao nahimutang protected areas sa isla. Contributed photo

Target karon sa Department of Environment and Natural Resources (DENR-Caraga) nga pangkolektahan ug pabayron na ang dol-an 250 resorts ug hotels sa isla sa Siargao sa ilang tinuig nga obligasyon sa goberno.

Segun ni Caraga environment director Charlie Fabre, dili na siya motogut dili pang makolektahan og “users fee” ang mga resorts ug hotels sa Siargao nga pipila na ka tuig nag-operate sulod sa protected areas sa isla.

“Revenue collection nato sa protected areas, Siargao is the surfing capital of the Philippines but very sad to note that we had not collected the user’s fees. Imagine according to EMB, about 250 resorts owners are now operating in the protected areas but again wala’y collection, so when I assumed I said we will now start collecting,” sulti ni Fabre.

Ingon ni Fabre, wala siya’y nakitang rason nganong dili ma-enforce o ma-implementa sa Protected Area Management Board (PAMB) ang balaod, ug igong rason dili motamod ang resort ug hotel operators sa pagbayad sa ilang tinuig nga obligasyon.

Ang PAMB usa ka multisectoral government body gitahasan magmonitor sa tanan state-declared protected areas sa nasud.

Base sa resolusyon sa PAMB, obligado ang usa ka hotel ug resort mobayad P10 matag per square sa gigamit luna sa goberno matag tuig, samtang laing P10 entrance fee sa matag guest mosulod sa maong resort ug hotel.

Sumala ni Fabre, wala gayod siya’y santohon sa maong tinguha nga relihiyosong makolektahan ang ingon nga pagasugdan niya sunod bulan sa Mayo.

Sa pag-estimate sa opisyal, moabot P25 milyones ang gibana-banang makolekta matag tuig sa Siargao, diin ibutang sa Integrated Protected Area Fund nga pagadumalahan sa protected area superintendent office kon (PASO).

Ang kwartang malikop mao unya’y gamiton sa pagpondo’s mga programa ug proyekto sa PAMB sama sa katukoran sa sanitary landfill para matentar ang kahinlo ug mapreserva ang ecological balance sa isla

“If we can collect immediately the conservation and environmental payment then wala natay problema because that amount given by the resort owner to the PAMB will be the one to counter part for the operationalization of their sanitary landfill. Para dili ta mahimong Boracay nga dili mahitabo sa Siargao,” sulti ni Fabre.

“Again, I said to PAMB, nga mao ni mo-address sa problema nga gipresent sa amoa on how to handle the solid waste ng Siargao, ”dugang ni Fabre.

  • 8
  •  
  •  
  •  
    8
    Shares
  •  
    8
    Shares
  • 8
  •  
  •  

Leave a Reply

Your email address will not be published. Required fields are marked *


TOP