18 alleged ‘graft-tainted’ projects Amante administration gibusisi sa COA, gipahunong

Ni Angel Fuertes-Gaviola

Rosario: Importante masuta kon misubay ba sa bidding process, project specifications ug procurement laws ang gipangsudlan proyekto sa nakalabay’ng Amante administration. Skeptica

18 ka infrastructure projects ubos sa kanhi Amante administration nga gi-alegahan “graft-tainted” ang gipangsuspende sa kasamtangan liderato sa dakbayan sa Butuan.

Segun ni Councilor Vincent Rizal Rosario, chairman sa Committee on Public Works sa Butuan City Council, gimando ni Butuan Mayor Ronnievic “RCL” Lagnada nga temporaryong e-suspende ang implementasyon sa mga proyekto human kini nakitaan og violations o kalapasan sa lagda sa bidding , procurement laws ug project specifications.

Ingon ni Rosario, kasagaran matud pa sa maong proyekto nga giboboan og minilyon gikan sa kaban sa dakbayan , na-award ug natrabaho panahon sa election , diin dunay nagtunhay nga ban on public works and infrastructure.

“Gipa-temporarily suspend kay ipa-check o gipa-review pa sa COA. Temporary gi-suspend tungod kay naay nakita nato ug nakita pod sa mayor nga gi-bidding during election ban,” asoy sa konsehal.

Gibarogan ni Rosario, wala daw sila nangita og buslot ug nangharass aron lang maduot ug makasohan ang kanhi mayor ug mga kaubang opisyales sa nakalabay’ng administrasyon.

“Anyway, ang previous administration nag-file man og exemption, pero until now wala pa tay kopya daw na grant ba ang exemption o wala , so mao na karon nga gitemporarily suspend ang tanang projects . Para , at least , makita nato kung nagsubay ba sa procurement law, mao na kibali ang rason,” pasabot sa opisyal.

Dugang pa ni Rosario, mag-depende unya sa findings ug recommendations sa mga auditors sa Commission on Audit ang mamahimong nilang final decision kon hingpit nang ipaundang , pulihan o utrohon ang nasingpit nga mga proyekto.

Butyag pa usab ni Rosario , dili lang ang mga projects nga daw nakitaan nila nga dunay violations ang gipa-imbestigahan nila sa COA, apan lakip usab nilang ipasusi ang mga proyektong “nahuman” sulod sa 6 ka tuig nga kadumalahan ni kanhi Mayor Amante.

“Nag-conduct napod og inspection ang atong taga City Engineering Office kadto pong 100 percent completed projects during the previous administration para, at least matan-aw pod nato daw nisubay ba sa project specifications ug sa project as of contract . Mao manay importante sa tanan,” sulti ni Rosario.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP